༧སྐྱབས་རྗེ་ཕ་བོང་ཁ་པ་བདེ་ཆེན་སྙིང་པོ་མཆོག་གི་གསུང་འབུམ་དཔེ་རྙིང་དག་བཞུགས་སོ།
Posts
པཎ་ཆེན་ཨེར་ཏི་ནི་སྐུ་ཕྲེང་བཅུ་པ་ཆོས་ཀྱི་རྒྱལ་མཚན་མཆོག་ནི་རབ་བྱུང་དྲུག་པའི་ས་སྟག་ལོ་སྟེ་སྤྱི་ལོ ༡༩༣༨ ལོའི་ཟླ་བ་དང་པོའི་ཚེས་གསུམ་ཉིན་མཚོ་སྔོན་ཞིང་ཆེན་གྱི་ཞུན་ཧྭ་རྫོང་ཁོངས་བིས་མདོ་ཤང་གི་ངོ་མཚར་ཞེས་པའི་གྲོང་ཚོར་ས་སྐྱ་འཁོན་གྱི་རིགས་ལས་མཆེད་པའི་བིས་མདོ་དཔོན་ཚང་དུ་ཡབ་མདོ་སྟོང་དཔོན་གུར་མགོན་ཚེ་བརྟན་དང་ཡུམ་བསོད་ནམས་སྒྲོལ་མ་གཉིས་ཀྱི་སྲས་སུ་འཁྲུངས། ལྕགས་སྦྲུལ་ལོ་སྟེ་སྤྱི་ལོ༡༩༤༡ལོར་དགུང་ལོ་གསུམ་ལ་སོན་སྐབས་པཎ་ཆེན་བཞུགས་སྒར་ནང་སྒང་ནས་པཎ་ཆེན་སྐུ་ཕྲེང་དགུ་པའི་ཡང་སྲིད་དུ་ངོས་འཛིན་ཞུས་པ་དང་། ས་གླང་ལོ་སྟེ་སྤྱི་ལོ ༡༩༤༩ ལོའི་ཟླ་བ་དྲུག་པའི་ཚེས་གསུམ་ཉིན། སྐབས་དེའི་སྲིད་གཞུང་ནས་ཆོག་མཆན་ཕུལ་བ་བཞིན།གསེར་བུམ་དཀྲུག་འདོན་མི་དགོས་པ་པཎ་ཆེན་སྐུ་ཕྲེང་བཅུ་པའི་མཚན་བཞེས་པ་དང་།སྐྱབས་རྗེ་རྡོ་རྗེ་འཆང་བླ་ཁོ་འཇིག་མེད་འཕྲིན་ལས་རྒྱ་མཚོའི་རིན་པོ་ཆེ་མཆོག་ནས་རྗེ་བཙུན་བློ་བཟང་འཕྲིན་ལས་ལྷུན་འགྲུབ་ཆོས་ཀྱི་རྒྱལ་མཚན་དཔལ་བཟང་པོ་ཞེས་པའི་མཚན་གསོལ།ལོ་དེའི་ཟླ་བ་བརྒྱད་པའི་ཚེས་བཅུ་ཉིན་སྐུ་འབུམ་བྱམས་པ་གླིང་དགོན་དུ་ཁྲི་གསོལ་གཟབ་རྒྱས་ཞུས།སྐུ་ན་ཕྲ་བའི་སྐབས་ནས་དངུལ་ཆུ་རིན་པོ་ཆེ་དང་བཀའ་ཆེན་ཨང་ཉི་མ་སོགས་ཡོངས་འཛིན་དུ་བསྟེན་ནས།...
ཇོ་བོ་རྗེ་དཔལ་ལྡན་ཨ་ཏི་ཤ་ནི། རྒྱ་གར་ཤར་ཕྱོགས་ཟ་ཧོར་གྱི་ཡུལ་བི་ཀྲ་མ་པུ་རིའི་དབུས་ཕོ་བྲང་གསེར་གྱི་རྒྱལ་མཚན་ཅན་ཞེས་བྱ་བར། ཡབ་རྒྱལ་པོ་དགེ་བའི་དཔལ་དང་ཡུམ་དཔལ་མོ་འོད་ཟེར་ཅན་ཞེས་བྱ་བའི་སྲས་གསུམ་གྱི་འབྲིང་པོར་ཇོ་བོ་ཉིད་སྐུ་བལྟམས། སྐུ་ནར་སོན་པ་ན་ཡབ་ཡུམ་གཉིས་ལ་གནང་བ་ནན་གྱིས་ཞུས་ཏེ་རྒྱལ་སྲིད་མཆིལ་མའི་ཐལ་བ་བཞིན་དུ་སྤངས་ནས་བླ་མ་ཨ་ཝ་དྷུ་ཏི་པའི་ཞབས་ལ་གཏུགས། དགུང་ལོ་ཉེར་གཅིག་ནས་དགུང་ལོ་ཉེར་དགུའི་བར་དུ་རྒྱུད་སྡེ་བཞིའི་དབང་ལུང་མན་ངག་མཐའ་དག་ལ་དཔྱིས་ཕྱིན་པ་སྦྱངས། བླ་མ་ཤཱི་ལ་རཀྴི་ཏ་ལས་རབ་ཏུ་བྱུང་། མཚན་དཱི་པཾ་ཀ་ར་ཤྲཱི་ཛྙ་ན་ཞེས་བཏགས། མངོན་པ་སྡེ་བདུན་གྱི་གནད་ཀུན་བསྡུས་པའི་བསྟན་བཅོས་བྱེ་བྲག་ཏུ་བཤད་པ་ཆེན་པོ་བམ་པོ་བརྒྱད་བརྒྱ་ཙམ་ཡོད་པའི་བསྟན་བཅོས་དེ་ལ་ལོ་བཅུ་གཉིས་ཀྱི་བར་དུ་གསན་ནས་མཐའ་ཆོད་པར་སྦྱངས། བླ་མ་གསེར་གླིང་པ་ལས་ལོ་བཅུ་གཉིས་ཀྱི་རིང་དབུ་སྔས་སྦྲེལ་ཏེ་ཐེག་པ་ཆེན་པོའི་ལམ་གྱི་རིམ་པའི་ལུས་སྤྱི་དང་། ཁྱད་པར་བྱང་ཆུབ་ཀྱི་སེམས་རིན་པོ་ཆེ་ལ་བློ་སྦྱོང་བའི་གདམས་ངག་རྣམས་བུམ་པ་གང་བྱོའི་ཚུལ་དུ་གསན། བོད་ཀྱི་མངའ་རིས་ཆོས་རྒྱལ་ཡེ་ཤེས་འོད་ཁུ་དབོན་གྱིས་དཀའ་བ་བརྒྱ་ཕྲག་དུ་མའི་སྒོ་ནས་བོད་དུ་གདན་དྲངས་ཤིང་། ལྷ་བླ་མ་བྱང་ཆུབ་འོད་ཀྱིས་...
རང་ཅག་ནང་པའི་ཆོས་ཐོག་མར་གསུང་མཁན་སྟོན་པ་ཤཱཀྱ་ཐུབ་པ་འཇིག་རྟེན་འདིར་མ་ཕེབས་པའི་གོང་དུ། དགའ་ལྡན་ལྷ་ཡུལ་དུ་ལྷའི་བུ་དམ་པ་ཏོག་དཀར་ཞེས་པ་དེ་ཡིན། ལྷ་ཡུལ་དུ་ཁོང་གིས་དགའ་ལྡན་གྱི་ལྷ་རྣམས་ལ་ཆོས་གསུངས་ཏེ་བཞུགས། དེ་ནས་སྔོན་གྱི་སྨོན་ལམ་གྱི་དབང་གིས་འཛམ་བུ་གླིང་གི་མི་རྣམས་ཚེ་ལོ་བརྒྱ་པའི་སྐབས་ཀྱི་གདུལ་བྱ་རྣམས་འདུལ་བའི་དུས་ལ་བབས་པར་གཟིགས་ནས། རྗེ་བཙུན་བྱམས་པ་མགོན་པོ་རྒྱལ་ཚབ་ཏུ་བསྐོས་ཏེ་གླང་ཆེན་ཐལ་ཀར་མཆེ་བ་དྲུག་ཡོད་པ་ཞིག་གི་ཚུལ་དུ་ཡུམ་སྒྱུ་མ་ལྷ་མཛེས་ཀྱི་ལྷུམས་སུ་ཞུགས་པ་དང༌། སྐབས་དེར་བཀྲ་ཤིས་པའི་རྟགས་མཚན་མང་པོ་བྱུང་བ་རེད། སྟོན་པ་ཤཱཀྱ་ཐུབ་པ་ནི་སྤྱི་ལོའི་སྔོན་གྱི་ལོ་ ༥༤༤ ལོར་རྒྱ་གར་གྱི་རྒྱལ་ཕྲན་སེར་སྐྱའི་གྲོང་ཁྱེར་དུ་ཡབ་རྒྱལ་པོ་ཟས་གཙང་མ་དང་ཡུམ་སྒྱུ་མ་ལྷ་མཛེས་གཉིས་ཀྱི་སྲས་སུ་ལུམྦི་ནིའི་ཚལ་དུ་ས་ག་ཟླ་བའི་ཚེས་བཅོ་ལྔའི་ཉིན་སྐུ་འཁྲུངས། སྐུ་འཁྲུངས་ནས་ཞག་བདུན་གྱི་རྗེས་ཡུམ་སྐུ་གཤེགས་པས་སྐྱེ་དགུའི་བདག་མོ་སོགས་མ་མ་བརྒྱད་ལ་གཏད་ནས་སྐྱེད་སྲིང་གནང༌། ཁོང་གི་རིགས་ནི་རྒྱལ་རིགས་དང་རུས་ནི་གོའུ་ཏ་མའམ་ཤཱཀྱའི་རིགས་ཡིན་ནོ། ། སྐུ་འཁྲུངས་མ་ཐག་ཕྱོགས་བཞི་ལ་གོམ་པ་བདུན་བདུན་སྤོས་པའི་ཤུལ་དུ་མེ་ཏོག་པདྨ་རེ་རེ་བཞད་ཅིང་། ཁོང་གི་གསུང་ཐོག་མ...
༄༅། །འཇམ་མགོན་རྒྱལ་བའི་བསྟན་སྲུང་སྤྲུལ་པའི་རྒྱལ་ཆེན་རྡོ་རྗེ་ཤུགས་ལྡན་རྩལ་གྱི་བསྐང་ཆོག་འབྲིང་པོ་ལས་བཞིའི་འཕྲིན་ལས་མྱུར་འགུགས་ཞེས་བྱ་བ་བཞུགས་སོ།། ན་མོ་གུ་རུ། འདིར་སྤྲུལ་པའི་ཆོས་སྐྱོང་རྡོ་རྗེ་ཤུགས་ལྡན་གྱི་བསྐང་ཆོག་ཅུང་ཟད་བསྡུས་པ་བྱ་བར་འདོད་པས། གཏོར་མ་རྒྱལ་ཆེན་རིགས་ལྔར་ཤ་གཟུགས་མ་ལྔ། འཁོར་གཏོར་མཐེབ་ཀྱུ་ཙམ་གྱིས་བསྐོར། ཞི་དྲག་གི་ཉེར་སྤྱོད་གཉིས་དང་། ཇ་ཆང་འོ་ཕུད་སོགས་མཆོད་པ་གཙང་ཞིང་དམ་སེལ་གྱིས་མ་གོས་པ་ལེགས་པར་བཤམ། སྐྱབས་སེམས། དགའ་ལྷའི་རྣལ་འབྱོར་དང་འབྲེལ་བའི་དམིགས་བརྩེ་མ། བདག་བསྐྱེད་རྒྱས་བསྡུས་གང་རིགས་སྔོན་དུ་བཏང་། མཆོད་པ་རྣམས་ལས་སྔགས་ཀྱིས་བསང་། སྭ་བྷཱ་ཝ ས་སྟོང་པར་སྦྱངས། སྟོང་པའི་ངང་ལས་ཨཱཿལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག བདུག་སྤོས། མར་མེ། དྲི། ཞལ་ཟས། རོལ་མོ་རྣམས་རང་བཞིན་བདེ་སྟོང་རྣམ་པ་མཆོད་རྫས། བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿཧཱུྃ། ཨོཾ་པཱ་དྱཾ་ཨཱཿཧཱུྃ། ཨོཾ་པུཥྤེ་ཨཱཿཧཱུྃ། ཨོཾ་དྷུ་པེ་ཨཱཿཧཱུྃ། ཨོཾ་ཨཱ་ལོ་ཀེ་ཨཱཿཧཱུྃ། ཨོཾ་གནྡྷེ་ཨཱཿཧཱུྃ། ཨོཾ་ནཻ་ཝི་དྱ་ཨཱཿཧཱུྃ། ཨོཾ་ཤཔྟ་ཨ...
༄༅།།སྐུ་མདོག་གཟི་བྱིན་འབར་བའི་གཟུཊ་སྐུའི་རྒྱུད།། གསུང་དབྱངས་སྙན་འཇེབས་ཏམ་བུ་ར་ཡིས་རྒྱན།། ཐུགས་རྒྱུད་གཏིང་ཟབ་མཐའ་ཡས་རྒྱ་མཚོའི་དཀྱིལ།། ཕུན་ཚོགས་ཡོན་ཏན་མི་ཟད་ཆེས་ཆེར་རྒྱས།། མཁྱེན་པའི་ཡེ་ཤེས་ཀུན་གསལ་ལྷ་ལམ་ངོས།། བྱམས་པའི་གཟི་འོད་ཆེན་པོའི་འོད་མདངས་འཚེར།། བརྩེ་བའི་ཐུཊ་རྗེའི་ལོ་འདབ་ཡོངས་རྒྱས་ནས།། ལུས་ཅན་སྐལ་བཟང་མཐའ་དག་སྨིན་གྲོལ་མཛད།། མདོ་སྔགས་གཞུང་ལུཊ་མཚོ་ཆེན་ཡངས་པོ་རུ།། ཐོས་བསམ་སྒོམ་པའི་བརྩོན་འགྲུས་རྒྱུན་རྟག་བརྟན།། སྦྱངས་སྟོབས་བློ་གྲོས་ཡར་ངོ་ཟླ་བཞིན་འཕེལ།། བག་མེད་རྣམ་གཡེང་སྟུག་པོ་རིམ་བཞིན་འགྲིབ།། རྣམ་དཔྱོད་ཤེས་རབ་གསེར་གྱི་སྤུ་གྲི་རྣོ།། ལེཊ་ཉེས་བླང་དོར་འབྱེད་མཁས་བཤེས་གཉེན་མཆོག།། ཕས་རྒོལ་སྨྲ་ངན་ཚོཊ་དག་བསྐོར་བའི་དབུས།། མི་འགྱུར་དམ་ཚིག་རྡོ་རྗེ་བྲག་ལྟར་བརྟན།། ཚུལ་ཁྲིམས་གསེར་གྱི་ས་གཞི་གཙང་མ་རུ།། བློ་གྲོས་འདབ་སྟོང་བཞད་པའི་བར་གསེང་ནས།། ལེགས་བཤད་དྲི་བཟང་ཕྱོགས་དུས་ཀུན་འཐུལ་བས།། སྐལ་ལྡན་གདུལ་བྱའི་ཚོགས་རྣམས་ངང་གིས་འཁོར།། སྨྲ་བའི་ལྗགས་རྩེ་གློག་འཁྱུག་དམར་པོ་ལས།། དྲི་མེད་ལེགས་བཤད་དབྱར་སྐྱེས་རྔ་གསང་སྒྲོག།། ལས་ཅན་འགྲོ་བའི་སེམས་ཀྱི་ཞིང་ས་རུ།། ཕན་བདེའི་སྦྲང་ཆར་སིམ་སིམ་རྟག་ཏུ་འབབ།། རྣམ་དག་བསླབ་གསུམ་གཙང་བའི...
༄༅། །བསྟན་པ་སྤྱི་བྱེ་བྲག་ལ་བཀའ་དྲིན་ཤིན་ཏུ་ཆེ་བ་དྲིན་ཅན་བླ་མ་དམ་པ་དོན་གྱི་སླད་དུ་མཚན་ནས་སྨོས་ན་མཚན་བརྗོད་ པར་དཀའ་བ་ཡོངས་ཀྱི་དགེ་བའི་བཤེས་གཉེན་ཆེན་པོ། (ཨིང་ལན་)དགེ་བཤེས་སྐལ་བཟང་རྒྱ་མཚོ་རིན་པོ་ཆེ་མཆོག་དགོངས་པ་གཞན་དོན་དུ་གཤེགས་ཚུལ། རང་ཉིད་ཐག་རིང་འགྲུལ་བཞུད་ཀྱི་ལམ་བར་ནས་ཐོས་ཤིང་ཡིད་ཕམ་ཚད་མེད་དང་བཅས། ད་རིང་(གོ་ད་ཝ་རིའི་གནས་)དང་ཉེ་བའི་མགྲོན་ཁང་དུ་ཡོངས་ཀྱི་དགེ་བའི་བཤེས་གཉེན་ཆེན་པོའི་སྐུ་པར་མཐོང་སྒྲོལ་རིན་པོ་ཆེ་མདུན་ལྕོག་སྟེང་དུ་བཤམས་ཤིང་། མེ་ཏོག་དང་གསོལ་ཇ་ཤིང་ཐོག་སོགས་མཆོད་པ་གང་རྒྱས་བསྒྲིགས་ཏེ་རྩེ་གཅིག་ཏུ་གསོལ་བ་འདེབས་པ་ལ། ༄༅། །སྐལ་བཟང་རྒྱལ་བ་རྒྱ་མཚོའི་གདུང་འཚོབ་ཆེ།། སྐལ་བཟང་གདུལ་བྱ་རྒྱ་མཚོའི་མགོན་གཅིག་པུ།། དྲིན་ཆེན་བླ་མ་སྐལ་བཟང་རྒྱ་མཚོ་ལ།། གསོལ་བ་འདེབས་སོ་མཆོག་ཐུན་དངོས་གྲུབ་སྩོལ།། ཇོ་འབྲོམ་ཉི་ཟླ་ཟུང་གི་བཀའ་སྲོལ་དང་།། འབྲོག་རིའི་རྒྱལ་བ་གཉིས་པའི་རིང་ལུགས་ཆེ།། གླིང་འདིར་མ་ཁྱབ་ཁྱབ་དང་སྤེལ་བའི་མགོན།། མགོན་པོ་སྐལ་བཟང་རྒྱ་མཚོ་སྙིང་ནས་དྲན།། ཕྱི་ལོ་གོ་དྲུག་ནས་བཟུང་དགེ་ལྡན་བསྟན།། བསྟན་འཛིན་བསྟན་སྲུང་ཡོན་བདག་བཅས་པའི་ཐོག། རོ་ཐོག་རྟ་རྒྱུག་གཏོང་བའི་སྐབས་གང་ཡིན།། བཀའ་དྲིན་ཕུང་པོ་ལྕི་དེ་སླར་ཡང་དྲན།། ཞྭ...